Tut ha cumenzà cun ina idea. Il 2024 ha ina gruppa da geniturs rumantschs a Turitg tschertgà bunas registraziuns da las chanzuns da lur atgna uffanza per mussar quellas a lur uffants. Els han dentant chattà per il solit mo texts e notas.

Uschia è naschida l’idea da CHANTERLOTTAS: novs arranschaments e registraziuns d’auta qualitad da chanzuns d’uffants rumantschas en tut ils idioms.

La musicista e cumponista Ursina Giger ed il multi instrumentalist e producent Florian Egli - sez geniturs da dus uffants pitschens che creschan si biling a Turitg - han surpiglià questa incumbensa. Il 2024/25 han els producì las emprimas 14 registraziuns. Plinavant ha Ursina purschì curs da chant per uffants e geniturs a Turitg ed a l’emprim festival da cultura rumantsch Festivalet a Turitg han els preschentà per l’emprima giada in concert participativ.

Il 2026  porscha il project Chanterlottas danov in abo da chanzuns e quatter concerts participativs en la citad da Turitg (datas suondan). Ultra da quai creescha la illustratura Pia Valär il mund visual tar la musica.